Anzengruber, Ludwig: Der G'wissenswurm. Wien, 1874.

dös, Bauer, ſo ſchön und viel und es riecht frei, daß Eins
umfall’n könnt vor Gutheit.

Grillhofer. No ja, no ja.

Waſtl (ſchupſt die Achſel). „No ja — no ja.“ Aber, Bauer,
wann ich dir ſag, a Heu — s’älteſte Rindvieh da herum
kann ſich auf ſo Oans nit beſinna. G’freut dich denn gar nix
mehr? Nachhert g’freut Ein’m a nix. Wem gang’s denn was
an, wann Dich net?

Rosl. Haſt Recht, Waſtl, haſt Recht, ſag ihm’s nur
h’nein!

Grillhofer. Laßt’s es gut ſein, wann ich ſo bin, is’s doch
eng nit abtraglich, ich vergunn’ ſchon mein Nebenmenſchen
s’gute Heu. Jo, jo, g’wiß. Aber ich taug halt nix mehr auf
derer Welt — na — na — mich bekümmert nimmer s’irdiſche,
mich bekümmert nur s’himmliſche Heu, wovon g’ſchrieb’n ſteht;
Der Menſch welkt dahin wie Heu, und da is mir nur um
die Einfuhr in den himmliſchen Heuſchober!

Waſtl. Jeſſes und Joſef, Bauer, mir kennt ſich frei
neama mit dir aus. Wann ich Dir früher g’redt hätt’, von
ſo ein Heu — wie dös a Heu is …! Aber ſeit dich nur
allweil bekümmerſt, was g’ſchrieben ſteht, gibſt auf kein ver-
nünftig Reden mehr was.

Rosl. Haſt recht, Waſtl, haſt ſchon recht, ſag ihm’s nur
h’nein.

Waſtl. Seit Dich vor ein’ halb’n Jahrl der Schlag g’ſtreift
hat, biſt neama der Alte.

Grillhofer. Selb that ſich a net ſchicken! Dös war a
Deuter vom lieben Gott, ſider der Zeit halt ich ſtill und wart
auf’n Zweiten. Mei lieber Waſtl, Du biſt a guter Bub — a
Du Rosl, ja, ja, Du biſt a a ehrlichs Menſch — müßt’s
halt a Einſehn mit mir hab’n, noch dös kleine Neichtel Zeit,
ſo mir b’ſchied’n is; leicht moch ich noch fruher a End und
zieh’ mich z’ruck von all’n weltlichen Weſen. Ja, ja, konn
leicht möglich ſein, ich bin no lang net ſo, wie ich ſein möcht,
hat ſich doch vorhin, wie Du käma biſt, Waſtl, der G’winnſt-
und Specalirteufl in mir a weng noch g’rührt. Na, na, dös
därf net ſein, daß ſich’s Heu zwiſchen mich und mein Schöpfer
drängt. Na, na, ich hab eh gnug auf mir, dazukäma derf nix