Grimm, Jacob; Grimm, Wilhelm: Kinder und Hausmärchen. 3. Aufl. Bd. 2. Göttingen, 1837.

hietzt is so viel, als obst gsund warst. Der Herr Pfarra hat heunt predigt, daß wer a krangs Kind, an krangen Mon, a krangs Weib, an krangen Vader, a krange Muader, a krange Schwester, Bruader, oda wers sunst nacha war, z’ Haus hat, und der macht a Wollfart aufm Goͤckerliberg in Waͤlischland, wo der Metzen Lorberbladeln an Kreuzer kost, dem wird ’s krange Kind, der krange Mon, ’s krange Weib, der krange Vader, d’ krange Muader, d’ krange Schwester, Bruader, oda wers sunst nacha war, auf der Stell gsund; und hietzt hab i mir schon den Lorbersack ghohlt vom Herrn Pfarra und den Kreuzer, und wir glei mein Wanderschaft antreten, daß d’ desto ehender gsund wirst;’ und drauf is er fort ganga. Er war aber kam fort, so is die Baͤurin schon auf gwesn, und der Pfarra war a glei do. Hietzt lassen mir aber doͤ zwa indessen auf der Seiten, und gaͤnga mir mit’n Baur. Der is halt alleweil drauf los ganga, damit er desto ehender aufm Goͤckerliberg kummt, und wie halt so geht, begegnt ihm sein Gvatter. Sein Gvatter doͤs war an Armon (Eiermann), und der is just von Mark kuma, wo er seine Ar verkauft hat. ‘Globt seyst,’ sagt sein Gvatter, ‘wo gehst denn so trabi hin Gvatter?’ ‘Jn Ewigkeit, Gvatter,’ sagt der Baur, ‘mein Weib is krang worn, und da hab i heund in Herrn Pfarra sein Predi ghoͤrt, und da hat er predigt, daß wann aner z’ Haus an krangs Kind, an krangen Mon, a krangs Weib, an krangen Vader, a krange Muader, a krange Schwester, Bruader, oda wers sunst nacha war, hat, und er macht a Wollfart aufm Goͤckerliberg in Waͤlischland, wo der Metzen Lorberbladeln an Kreuzer kost,