Hauptmann, Gerhart: Fuhrmann Henschel. Berlin, 1899.

im das kan’s en’ Leed thun. Wenn die nee, und werd
’n nee weggenumma und kimmt ni ei Flege zu guda Leuta,
do labt di o keene zahn Wucha meh.

Hanne verſtockt. Das gieht mich niſcht a! Ich kan ſe
ni nahma. Ich ha fer mich ſalber Gewerge genung.

Fabig. Kumma Se ock amol uf Quolsdurf und ſahn
Se ſich’s a! Das wär halt ’s beſte. ’s is Ihn a
Madel .... a gar zu hibſch Dingla, und Händla und
Fißla hot ſe, o jemerſch; ’s reene Porzlan, a ſu zierlich
ſein ſe.

Hanne. ’s is ni mei Kind, ’s gieht mich niſcht a!

Fabig. Nee, kumma Se ock und ſchaffe Se Roth.
Ma kan’s reen gar ni mit Auga derſahn. Wenn ma
aſu ei de Gaſthäuſer kimmt, mitta ei dr Nacht ader wenn’s
nu is — ſahn Se, ich muß, mei Geſchäfte verlangt’s —
und ſieht ſe mit Vatern eim Rauche quetſcha, das dreht
een’ de Seele eim Leibe rim.

Hanne. De Gaſtwerthe ſull’n ’n niſchte ni eiſchenka.
An Priegel nahma und feſte naus priegeln, do werd a
ſchunn zu Verſchtande kumma. — Itze is a Wan ei a
Hof gefahrn. Hie han Se an Fimfbihmer. Itze macha
Se lang, ich war mer die Sache amol beſchlofa. Itze
kan ich mich wetter dermit ni befaſſa. Ader, wenn Sie
hie rimräda, ei a Bierſtuba, dernoert ſein mer geſchiedne
Leute.

Fabig. Ich war mich hitta, was gieht mich denn
das a. Eb das nu Ihr Kind is ader dr Schwaſter,
’s Kerchabuch war’ ich derwegen ni eiſahn, und ’s Maul,
das war ich mr au ni verbrenn’. Ader wenn Sie an