Grimm, Jacob; Grimm, Wilhelm: Kinder und Hausmärchen. 3. Aufl. Bd. 1. Göttingen, 1837.

is e hullt anhi (hinein), und oft hot e die drei Grouschn a non vespielt. De halli Pedrus und unse Herrgout hobnd ollewall (immer) g’wort’t, und wie er ian z’long nit kemme is, sand’s iahm intgoͤgn gonge. De Spielhansl obe, wie e kemme is, hot thon us wenn iahm’s Geld in ne Locken (Lacken) g’solln war, und hot ollewall drin herumkrobbelt: obe unse Herrgout hots schon g’wißt, daß e’s vespielt hot. Oft hot iahm de halli Pedrus non mohl drei Grouschn gebn. Hietzt hot e sie obe nimme vefuͤhrn losse, und hot ian s’ Brod brocht. Oft hot’n unse Herrgout gfrogt wou e koan’n Wein nit hot, do hot e g’sogt ‘u, Herr, d’Fasse sand alli laar.’ Oft hot unse Herrgout g’sogt er sull ner in Koͤlte (Keller) ohi (hinab) gehn, ‘is is non de boͤst Wein int.’ Er hots long nit glaubn willn, obe af d’loͤst hot e g’sogt ‘i will ohi gehn, ober i woaß’s daß koane int is.’ Wie er obe ’s Fassl onzapft hot, se is de boͤst Wein ausse g’runne. Hietzt hot er ian in Wein brocht, und doͤi zwoa sand uͤbe d’ Nocht do blieb’n. Jn onnen Tog, in de Fruͤe, hot unse Herrgout zen Spielhansl g’sogt, er sull si (sich) drei Gnodn ausbittn. Er hot g’moant, er wird si ’n Himml ausbittn, obe de Spielhansl hot bettn um e Kortn, mit der er ullss g’wingt; um Wuͤrfl, mit den er a ulls g’wingt, und um en Bam (Baum), wou ullss Oubst draf wochst, und wonn oane (einer) affi steigt, daß e nimme ohe kon (herab kann), bis er iahm’s schofft (befiehlt). Hietzt hot iahm unse Herrgout ullss gebn, wos e velangt hot, und is mit’n hallin Pedrus wiede fuert (fort).

Hietzt hot hult de Spielhansl erst recht zen spieln ongfongt,