Avé-Lallemant, Friedrich Christian Benedikt: Das Deutsche Gaunerthum. Bd. 1. Leipzig, 1858.

ken em ſalue an de heit ouen vnde ouen vnd leggen ſeck dan vor de
kercken, ſo werden ſe geſchapen als eft ſe lange kranck weßt had-
den, vnd önen dat angeſicht vnn munt wer vthgebroken, vnde
wan ſe nach dryen dagen in den ſtouen gath ſo geyt dat hyn-
weg, Concluſio, den giff nicht id is ouel angelecht.

H Van den Swygeren.

H Dat .xxvj. capitel is van den ſwigeren dath ſin bedeler de
nemet perdes meß vnde vermengen den mit water vnn beſtriken de
bein hende vnde arm dar mede, ſo werden ſe geſchapen als eft ſe
de gelen ſocht ader ander grote krankheit hedden, vnd is dar nicht
an dan dat ſe de lude bedregen vnd heten ſwiger, Concluſio, de
alſo ſin den gif nit id ſin buuen vnd is ouel angelecht.

H Vam burckhart

H Dat .xxvij. capitel is vam burckart dat ſind, de öre hende
in hantſcho ſtotten vnde henckent in ein binden in den hals vnde
ſpreken ſe hebben ſunte Antonius plage ader ein ander plage
eines anderen hilligen dath doch nit warte, vnd bedregen de lude
darmede, dat heit vp dem borckhart gan.

H Van platſchieren

H Dat .xxviij. capitel is van platſchieren dat ſin de blinden
de vor den kerken vp bencken ſtann vnd ſlahen vp der drumpen
vnde ſingen dar tho mangerley geſang van fernen landen dar ſe
ne hen quemen, vnd wanner ſe vth geſungen hebben ſo fahen ſe
an to voppen vnd ferben woe ſe blindt ſin worden Jtem de
defhengers platſchieren ock vor den diffteln vnde tehen ſeck nackent
vth vnd ſchlahen ſeck mit gerden vmme örer ſunde willen vnde
gebruken de vopperey dan de lude willen bedrogen ſyn, dat het
platſcheren Ock de dar vp den ſtulen ſtat vnde ſeck mit ſtenen
oder anderen dingen ſchlan vnde van den hilligen ſeggen de wer-
den gewonlick henger vnde ſchinder.

H Dat ander dell.

H Dyt is dat ander dell duſſes bokes vnd ſecht van welcke
notabilia de to der vorgenomden nerung hort mit korten worden
begrepen.

Jtem id ſind welke der vorgenomden de bidden vor neynem