Avé-Lallemant, Friedrich Christian Benedikt: Das Deutsche Gaunerthum. Bd. 1. Leipzig, 1858.

H Van vbern ſontzen gangen.

H Dat .xxj. capitel is ouern ſontzen gangen dat ſind de land-
farer oder bedeler de ſpreken ſe ſind edel vnde ſind van örlog
vnde veide verbrent vnd in gefencknuße vmm dat ör gekommen,
vnd gar wol gekleidet als eft ſe edel weren wowal dat nit is
vnd hebben loe bſaffot oder falſche breue dat het ouern ſontzen
gangen, Concluſio, de öne gift de ſterckt ör boßheit, ſe hebben
dan ware bſaffot

H Van den Kaderenn

H Dat .xxij. capitel is van den Kandieren dat ſind bedeler
de hebben gude kleider an de ſeggen woe ſe koplude geweſt ſin,
vnde dat ör to water verloren, vnn ſind manck .xlviij. mannen nit
meher als he vnd ſyn mitgeſell vth komen, vnde hebben des loe
bſaffot van biſchopen als de ſchlechten fromen lude gelouen, de
ſchalckheit is all im dridden capitel vertelt, ader ſeggen ſe ſind
berouet, dat dan gelogen is, de gat ouern clant den gif nit du
weteſt dan war beſcheit.

H Van den veraneryn

H Dat .xxiij. capitel is van den veranerin de vp keimen gan
dat ſind frowen de ſpreken ſe ſind gedofte iodin vnd ſin criſten
worden vnde ſeggen den luden eft ör vader vnde moder in der
helle ſy ader nit vnd gylen den luden rock vnn andere kleider aff,
vnd hebben den ock falſche breue vnn ſegel, de ſulften heten vero-
nerin, Concluſio, de alſo ſind den giff nit id is verloren

H Van Chriſtianern ader Calmierern.

H Dat .xxiiij. capitel is van chriſtianern ader calmier dat ſyn
bedeler de teken an den huden dragen beſunder Romiſche veronica
vnde muſchal vnde andere teken, vnn ör ein verkoft dem anderen
teken dat men giſſen ſchal dat ſe an den enden vnde ſteden weſt
ſin dar van ſe de teken dragen wo wol ſe dar nit weßt hebben,
vnde bedregend dende dar mede vnd het calmierer, Concluſio, den
is nit to geuen.

H Van den ſeffern

H Dat .xxv. capitel is van den ſeffern dat ſind bedler de ſtri-