Anzengruber, Ludwig: Der G'wissenswurm. Wien, 1874.

wieder) war dös rechtſchaffen geg’n a ehrliche Dirn? So red’
was. (Holt wieder zu einen Stoß aus.)

Waſtl. Na net — net — (fängt ihren Arm auf) meint mer
doch net, Du warſt da h’rum ſo ſpitzig.

Liesl. Auslaß’, ſag ich. — Aber ich hab’ mich ſchon aus-
kennt und allmal zur Zeit wo ich mit Dir hätt geh’n ſoll’n,
hab ich mich mit meine Kameradinen hübſch im Ort ſeh’n laßen.

Waſtl. Jo jo und drauf is dös Frotzeln und Feantzeln
angangen, und furt mußt’ ich aus Ellersbrunn, weil ich doch
net dös ganze Buamerg’ſindel Ein’ um’n Andern nieder-
ſchlag’n mag.

Liesl. Haſt aber a ein Unterſchied g’merkt, zwiſchen ehr-
liche Dirndeln und der leichten Waar’.

Waſtl. A ja, dös ſchon, und wie! Hab’s a allz’ſamm in
in die Höll’ abig’wunſchen.

Liesl. Selb’ macht nix, rennen mer do no af der Welt
h’rum! — Aber Dir war ſchon recht g’ſchehn für dein un-
ehrlichs G’ſpiel.

Waſtl. No, wer ſagt, es hätt net do no ehrlich ausgeh’n
mög’n?

Liesl. Du haſt es net g’ſagt.

Waſtl. No ja, damal war ich dumm und hon g’meint,
leicht kunntſt Du no dümmer ſein. Aber ſider der Zeit bin
ich ſchon g’ſcheidt word’n.

Liesl. Dös ſahet mer Dir doch net an.

Waſtl. Hm liegt mer net auf, wann Du’s net bemerkſt.
Meinſt, weil ich mich mit eng Weibsleut net einlaß? Bei eng
gilt a Jeder für dumm, der ſich net anſtellt wie a Kater im
Marzi. Der G’ſcheidter^*) halt ſich g’rad af die Seiten. —
Wie ich damal furt bin von Ellersbrunn, hon ich mir denkt,
no haſt abg’wirthſchaft in der Lieb für dein Lebzeit. D’Hor-
lacherlies wär’ die Einzige, die Dir taugt hätt’, und Dö
ſpielt Dir ſo mit — und ſchad is, wann d’weiter ſuchſt, a
Zweite wie die Horlacherlies gibt’s neamer af der Welt! —
Gleichwol taugt a dö nix. Aus is und gar is, ſchauſt Dich
gar neamer weiter um unter den Kittelwerk. So hon ich’s a
g’halten.

*) Der Geſcheidtere.